Б.Хурц “Цааш нь ярьчих уу, Ерөнхийлөгч өө!” гэх үү...

Б.Хурц “Цааш нь ярьчих уу, Ерөнхийлөгч өө!” гэх үү...

“Би одоо цааш нь юм ярих уу, хэрэггүй юу, гишүүн ээ?!” гэх үгийг Аюулгүй байдал, гадаад харилцааны байнгын хорооны хуралдааны үеэр ТЕГ-ын дарга асан Б.Хурц хэлж, “трэнд” болгов. Дээрх үгийг хэн хэнд хаягласаныг олон нийт нэгэнт мэдэж байгаа болохоор нэмж тэмдэглэх илүүц биз. Ямартаа ч Аюулгүй байдлын байнгын хорооныхон Б.Хурцын өөдөөс “амыг нь таглачихаар” олигтой үг чулуудаж чадалгүй байсаар Монгол Улсаас Бүгд Найрамдах Солонгос улсад суух Онц бөгөөд бүрэн эрхт элчин сайдын суудал руу зүтгүүллээ. “Улс төрчдийн ноцтой баримтаар дүүрэн хар авдар зайдагнадаг” хэмээн хочлогддог Б.Хурцын зам ийн засагдав. Гэвч нэг мөр шулуудчихаагүй байна. Түүний өмнө УИХ-ын чуулган гэх том даваа байв. Өөр нэг нь УИХ-ын гишүүн Ж.Батзандангийн дэвшүүлээд буй Нээлттэй сонсгол байсан. Гэвч УИХ-ын гишүүд энэ асуудлаас татгалзлаа. Ер нь бүхэл бүтэн Төрт улсын ТЕГ даргаар ажиллаж байсан хүн хариуцлагагүй мэдэгдэл хийж, өөрийн эрх ашгийн төлөө  шантааж хийж буй нь гэмт хэргийн шинжтэй гэмээр үйлдэл болсонд олон нийт дургүйцэж буй.

 “Болд гишүүн ээ, та Батлан хамгаалахын сайдаар ажиллаж байхдаа хойд Солонгост зэвсэг шахсан. Түүний 300 мянган долларын нэхэмжлэл ирсэн байгаа. Өөрөө төлөөрэй” гэсэн утгатай үг чулуудсан. Зэвсэг шахсан юм бол яагаад, Л.Болдоос төлбөр нь нэхэгддэг билээ... Ямартаа ч тэрбээр хариуцлагагүй, үүргээ ухамсарлаагүй “тагнуулч” гэдгээ илчиллээ. Улс хоорондын харилцааны хаалттай мэдээллийг өөрийнхөө эрх ашгийн төлөө барьцаа болгож байгааг эр зориг гэж үзэх үү, шударга ёсонд хамаатуулах уу?.. Ямартаа ч аль нь ч биш.  Дээрхийг  Төрийн өндөр албан тушаалтанд хамааралтай мэдээлэл гэж бодоход, ТЕГ-ын дарга маань эхлээд нуун дарагдуулсан байна шүү дээ. Мөн үнэн мөн нь шүүхээр тогтоогдоогүй байхад ингэж болдог гэж үү. Одоо тэгээд өөрийнх нь албан тушаалын томилгооны асуудал хөндөгдөөд эхлэхээр шантааж болгон ашиглаж буй нь гэмт хэргийн шинжтэйүйлдэл гэж харагдахгүй байна гэж үү...

        У.Хүрэлсүхийг мохоох “шантааж” Б.Хурцад байхгүй

Өнөөдөр Монгол ардын нам УИХ-д олонхын суудалтай болж, хүчтэй Засаг бүрдүүлсэн дүр зураг харагдаж байна. Ер нь ч Монгол төр төмөр нүүрээ харуулах цаг ирсэнийг зоригтойгоор илэрхийлэх хүн хэрэгтэйг энэ мэт үйл явдал харуулсаар. У.Хүрэлсүх Шадар сайдын албаа өгчихөөд, гаднаас тэмцэл өрнүүлэхдээ хэнээс ч айхгүйгээ илэрхийлж байв. Тэрбээр өөрийн зориглосоноор Засгийн газрын тэргүүнээр тохоогдож, танхимаа бүрдүүлэв. Мэдээж, Б.Хурцын ширээн дээр түүнийг мохоох ямар нэг баримт, хар авдарт нь орсон “шантааж” байгаагүй болохоор тэр л дээ. Түүнээс АТГ-аас У.Хүрэлсүхийг “өөрийгөө тагнажээ” гэсэн газар авахгүй, хүн итгэхээргүй мэдээлэл тараагдаж л байсан шүү дээ. ТЕГ-аас ч түүний эсрэг тийм мэдээлэл явсан санагдана. “Херо”-ийн Б.Баатар нарын хоорондоо ярьсан бичлэгийн асуудлыг ТЕГ-аас олонд дэлгэсэн гэж үзэх хүн олон. Одоо МАН-ын ээлжит их хурал хаяанд ирж, намын даргын сонгуульд өрсөлдөх эрхмүүдийн нэр тодорч эхлээд байгаа. У.Хүрэлсүх намын даргаар сонгогдож чадвал улс эх орныхоо төлөө хийх ажлаа үргэлжлүүлнэ. Намын дарга, Ерөнхий сайд байх тухай  яригдаж буй. Тэгж байж гэмээн Ерөнхий сайд хүчирхэг байж чадна. Хүчирхэг байж гэмээн Б.Хурц мэттэй хариуцлага тооцож, үнэн мөнийг илрүүлэх болно.     

      Б.Хурцыг дэмжсэн Ерөнхийлөгч бусдыг нь яагаад гацаагаад байна вэ?

Төр төмөр нүүрээ Б.Хурцад харуулах эсэхийг олон нийт чимээгүй харсаар. Б.Хурцын томилгоог Ерөнхийлөгч Х.Баттулгыг эсэргүүцэж, хориг тавина гэж хүлээж байв. Гэвч тэрбээр толгойг нь илж, Байнгын хорооны танхимын хаалгыг өмнө нь нээлттэй орхисон. Уг нь сав л хийвэл хориг тавьж байдаг хүнсэн. Энэ удаад тэгсэнгүй.  Ерөнхийлөгч маань харин Б.Хурцынхаа шантаажинд ордог юм биш байгаа гэх хардлага олны дунд чих дамжиж явна. Б.Хурцаас ч өмнө таван элчин сайдын томилгоог уг нь шийдэх байтал одоо хүртэл таг чиг. Тухайлбал, АНУ-д суух Онц бөгөөд Бүрэн эрхт Элчин сайдаар Ё.Отгонбаяр, Швейцарийн Холбооны Улсад суух Онц бөгөөд Бүрэн эрхт Элчин сайдаар Л.Пүрэвсүрэн, ХБНГУ-д суух Онц бөгөөд Бүрэн эрхт Элчин сайдаар Д.Ганбат, Франц улсад суух Онц бөгөөд Бүрэн эрхт Элчин сайдаар А.Баттөр, Канад улсад суух Онц бөгөөд Бүрэн эрхт Элчин сайдаар Н.Чимгүүндарь, Япон улсад суух Онц бөгөөд Бүрэн эрхт Элчин сайдаар Г.Тэнгэрийг  өмнөх Ерөнхийлөгч бүрэн эрхийнхээ хүрээнд томилуулсан. Харин Б.Хурцад ийм шуурхай үйлчлэхийн цаана юу буйг Б.Хурц өөрөө нэг нартай өдөр дээрх шигээ “цааш нь ярьчих уу, ерөнхийлөгч өө” гэх завсараа дурдах биз ээ.

З.Говьсайхан


АНХААРУУЛГА:

Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 98109080
Сэтгэгдэл
ерөнхийлөгч хурцад шантаажлуулсан гэдэг нь нэгэнт тодорхой болсон
2017-11-30 13:04:01    |    146.185.31.214
Gee whiz, and I thuoght this would be hard to find out.
2018-04-02 20:16:56    |    46.161.14.99
At last! Someone with the insight to solve the prlobem!
2018-04-15 04:25:45    |    46.161.14.99
Deep thought! Thanks for coniirbuttng. http://lkwmzmrk.com [url=http://pgbcbe.com]pgbcbe[ /url] [link=http://wwbhavjtdr.com]ww bhavjtdr[/link]
2018-04-16 02:20:52    |    46.161.14.99

Эрэн сурвалжилж байна