Тайланд: Илгээмжээс олон нярайн цогцос олджээ

Тайланд: Илгээмжээс олон нярайн цогцос олджээ

АНУ-руу явуулах гэж байсан илгээмжнээс олон нярайн цогцос хэсэгчилсэн байдалтайгаар олджээ. Нийгмийг цочроосон энэ хэргийн тухай Тайландын цагдаагийн газраас мэдээлсэн байна.

Нярай хүүхдийн толгой, эвхсэн арьс бүхий илгээмжийг Тайландад өнгөрсөн долоо хоногийн амралтын өдөр илрүүлжээ. Банконгийн илгээмжийн компанийн ачааг шалгах үед сэжиг бүхий ийм ачаа илэрсэн аж. Мөн эвхсэн арьсан дунд том хүний шивээстэй арьс байсан гэлээ.

“Тэд нэг нярайн цогцосных биш байсан. Олон хэсэг болгож хуваасан байсан ч нэг хүнийх биш гэдэг нь тодорхой байна” хэмээн Талйандын Цагдаагийн газрын дарга Чавалит Прасопсин мэдэгджээ.

Нярайн биеийн хэсгүүдийг хийсэн савыг өнгөгүй хорт хийн уусмал формальдегидээр дүүргэсэн байжээ.

Хэргийг шалгаж байгаа бөгөөд АНУ-ын Лос-Анжелес хотын ямар байгууллага эсвэл хэнд хаяглагдсан байсныг мэдээлэхээс татгалзсан байна.

Б.Ариунцэцэг

 


АНХААРУУЛГА:

Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 98109080
Сэтгэгдэл

Эрэн сурвалжилж байна